高清效應

　　高清電視廣播剛剛開始，市面仍處於觀察階段，是急不及待還是靜候時機則悉隨尊便。與此同時，另一類高清早已滲入港人生活之中，毋須發射站也不需任何更新，沒標準亦沒升級，但選擇權利則未必在你我手中‥‥

　　加價風潮最近越趨熾熱，不到三天就這樣加，再過兩天就那樣加；自去年農曆新年過後不少生活必須品已悄悄開始進行價格調整，由初初三兩毫到後來三兩元的加，尤以最先帶動調升的糧油食品最為凶狠，動輒十多廿個%，有的按時遞增，有的一步到位，亦因連帶關係帶動下令更多衣食住行亦隨之而起，家居清潔、個人用品、藥物、交通等亦然，而且大多與生活息息相關，不管那個階層均無一幸免，可惜是物價上漲的同時大部份人收入仍未見同步上升，生活壓力愈見沉重。

　　物價高！荷包清！比高清廣播覆蓋率更快更廣，滲透力更見強勁，而且越高則越清，令人咋舌！

　　記得七十年代下旬經濟起飛同時出現過一次影響力頗大的加價浪潮，當時仍未封神的許冠傑就唱了一首相當具代表性的歌曲反映當時加風，看來又是時候為自己找一點共鳴‥‥

加價熱潮

作詞：許冠傑/黎彼得     作曲：De Knight-Freedman

你怕！我怕！個個怕！ 煙加！酒加！屋租加！
巴士加！的士加！多士芝士乜都加！加！加！加！加！加！

糖又加！鹽又加！成日咁加任佢話！
其實無他！你住人屋宇下，佢梗收買路錢挪兩渣，
買佢怕！買佢怕！要加就加！總之慣喇！

牛油又加！蠔油又加！ 燃油又話每「卡」七個六，
其實無他，佢石油多到極，可惜真金白銀貶晒值，
冇法喇！冇法喇！佢加就加！都由佢啦！

紅豆沙！茶葉渣！ 全部要加慘到極，
拖累全家，靠份糧點夠食，卒之榨到豉油都冇滴，
夠啦卦！夠啦卦！咪枕住加，喂！好喇卦！

時時話加！年年話加！無盡咁加任佢話，
其實無它，塊面黃梗無力，早知當初入埋英國籍，
就冇有怕！冇有怕！夠返外家拜拜喇！

　　### 此段據聞是取代上段初版“英國籍”這話題 ###
　　時時話加！年年話加！無盡咁加趕到絕，
　　求助哪吒，我望能生對翼，即刻飛上月球再搵過食，
　　就冇有怕！冇有怕！佢加就加！拜拜喇！

（加加加…………）
（我怕怕怕………）
（加加加…………）
（我怕怕怕………）
（加加加…………）

人人話加！頻頻話加！成日咁加任佢話，
其實無他！我做人多說話，係Ｄ加價熱潮風氣下，
八下卦！八下卦！發起爛渣，谷鬼氣嘛！